مبرمج فى شركة أوروبية راح شركة تانية فا أكتشفوا بعد ما مشى إن أى حاجة روتينية كانت ممكن تاخد من وقته دقيقتين كان بيكتب ليها اسكريبت علشان تتعمل تلقائياً !
- لو فضل شغال فى المكتب (اكتيف على السيرفر) لبعد الساعة 9 بالليل، كانت رسالة بتتبعت تلقائي لمراته تقولها إنه هيتأخر فى الشغل وتختار سبب عشوائي من بين مجموعة أسباب هوا محددها قبل كدا ** الإسكريبت اسمه smack-my-wife 🤷🏻♂️
- في أيام العمل اللي محددها لو معملش logout وفضل إن أكتيف على السيرفر للصبح، إيميل بيتبعت تلقائي يقول إنه تعبان أو هيشتغل من البيت ويختار سبب عشوائي من بين مجموعة أسباب هوا محددها قبل كدا ** الإسكريبت اسمه hangover 😅😅😅
- إسكريبت بيعمل scan تلقائيا للإيميلات اللى بتيجى من شخص غالبا شغال معاه وغبى وبيغلط كتير وبتدور على كلمات معينة زى "مساعدة أو مشكلة أو أنا أسف" ولو لقاها بيبعتله رد تلقائي "ولا يهمك، خد بالك المرة الجاية" وبيروح للسيرفر ويرجع أخر نسخة إحتياطية لقاعدة البيانات ** الإسكريبت اسمه kumar-assho (كومار دا اسم الشخص) 🙈
- لما بيحب يشرب قهوة بيفتح telnet سيشن ل coffee-machine بعد 17 ثانية وبيعمل run لفانكشن بتختار كافيه لاتيه حجم وسط وبتعمل ديلاى 24 ثانية قبل التنفيذ وال 17+24 ثانية التأخير دول هما الوقت اللى بيحتاجه من مكتبه لحد ما يوصل للماكينة ، الفشيخ انهم ماكانوش يعرفوا فى الشركة أساسا ان ماكينة القهوة متوصلة على السيرفر ** الإسكريبت اسمه f**king-coffee ☕ على GitHub
#ميزوتو